An-nuur Na. 173

AN-NUUR Na.173 Rajab 1419, Oktoba 30 - Novemba 6, 1998

Dondoo za Saikolojia

Hoja kengeza

Na Abu Halima Sa Changwa

HOJA kengeza ni hoja ambayo haina mantiki, lakini mtu naikubali kwa sababu tu wengi wanaikubali, au imesemwa na mtu ambaye anadhaniwa hawezi kukosea. Mara nyingine anayeikubali hoja hiyo huona uwezekano wa kutokuwa na mantiki kwa hoja hiyo.

Hebu angalia taswira iliyoambatanishwa hapa. Unaona paka na kofia kwa pembeni. Unaweza kumfanya paka huyo akaivaa hiyo kofia kwa kuiangalia taswira hiyo huku ukiwa umefanya makengeza.

Ukifanya makengeza unaona paka wawili na kofia mbili. Unaweza kuipeleka kofia ya upande wa kulia hadi kichwani kwa paka wa kushoto. Paka anakuwa kavaa kofia. Hivi ndivyo ambavyo hoja kengeza inavyoonekana kama ya kweli japo si ya kweli.

Mfano mzuri wa hoja kengeza ni ile hesabu ya ajabu isemayo 1 + 1 + 1 = 1 (badala ya 3). Mamilioni ya watu wanalifanya jawabu liwe moja, japo shuleni walifundishwa ni tatu, na kompyuta zote zitasema tatu. Lakini kwa vile wameamua kuangalia hesabu hiyo kimakengeza. Lakini kwa vile wameamua kuiangalia hesabu hiyo kimakengeza, watang’ang’ania tatu, ana ni kwa ajili watu wengi wanaamini hivyo, na ni kwa sababu hata Watakatifu wanasema hivyo. Cha kushangaza ni kwamba, wengine wanaoamini hesabu hii ni Maprofesa. Qur’an inasema:

Sema: Yeye Mungu ni mmoja (112:1) Wala usiseme watatu. Juzuieni itakuwa bora kwenu. Bila shaka Mwenyezi Mungu ni mmoja tu, ni mbali na utakatifu wake kuwa ana mwana. Ni vyake vyote vilivyomo mbinguni na vilivyomo ardhini. Na Mwenyezi Mungu ni mlinzi wa kutosha.