• Akanusha Nyerere hakuwapendelea Wakatoliki

KARDINALI Policarp Pengo amewatahadharisha viongozi wa serikali wanaotaka dini ziende kwa matashi yao.

Pengo alikemea tabia hiyo wakati akihutubia Wakristo waliohudhuria misa ya kumuombea hayati Mwalimu Nyerere.

Alisema dini haiwezi kutumikia dola na kwamba Kanisa Katoliki litaendelea kuwa na msimamo huo bila ya kutetereka.

"Viongozi wakijifanya waungu lao liwe juu ya dini hatutokuwa tayari kuwafuata", alisema Kardinali Pengo huku waumini waliofurika Kanisani akiwemo Rais Benjamin Mkapa na viongozi wengine wa serikali wakimsikiliza kwa makini.

Katika hotuba hiyo Kardinali Pengo pia aliwashutumu wanaomlaumu Mwalimu Nyerere kuwa aliwapendelea Wakatoliki wenzake.

"Mimi ni mmoja wa wale waliofuata kwa karibu maisha ya Mwalimu", alidai Kardinali huyo na kuongeza kuwa; "sijapata kusikia akisema anampendelea mtu kwa sababu ni Mkatoliki pamoja na kwamba yeye alikuwa Mkatoliki".

Matamshi makali ya Kardinali Pengo yamekuja wakati kukiwa na malalamiko kadhaa yanayotolewa na Waislamu dhidi ya serikali.

--